Guðmundur Aðalsteinsson lagerstjóri Banana ehf. tók á móti okkur einn góðviðrisdag í apríl. Það var líf og fjör í húsnæði fyrirtækisins, enda mikilvægt að allt gangi hratt fyrir sig. Bananar ehf. nota bæði Tímon og Flota í sinni starfssemi.

Bananar ehf. var stofnað 18. júní 1955. Fyrstu árin fólst starfsemi Banana ehf. í því að flytja inn og þroska banana. Í dag er Bananar ehf. stærsta innflutnings- og dreifingarfyrirtæki landsins í ávöxtum og grænmeti. Bananar ehf. er um 70 manna vinnustaður og hafa flestir landsmenn gætt sér á ávöxtum frá þeim, en fyrirtækið þjónustar meðal annars Bónus og Hagkaup.

Hvað varð til þess að þið fóruð að leita að flotastýringarkerfi?

Það var fyrst og fremst til þess að auka eftirlit og utanumhald. Við verðum að hafa yfirlit yfir staðsetningu á bílunum okkar og í hvaða verkefnum bílstjórarnir eru á hverjum tíma. Ef eitthvað óeðlilegt stopp á sér stað er auðvelt að athuga það og bregðast við ef eitthvað er. Hér þurfa allir að sinna sínu, það er mikið að gera og allt verður að ganga upp.

Hvað eru þið hjá Banönum ehf. búin að nota Flota lengi?

Við erum búin að vera með Flota síðan 2017 en fyrir það notuðum við annað kerfi í nokkur ár. Það gekk ekki nægilega vel, fyrra kerfið var ekki áræðanlegt og því var ekki alltaf að marka þær upplýsingar sem það gaf okkur. Við sáum kannski hér í húsi hjá okkur að bíllinn var stopp úti í bæ en þegar við könnuðum málið var bílstjórinn kominn í hús og að sinna sínu 100%. Það gengur náttúrulega ekki upp. Þetta er ekki vandamál í dag með Flota.

Við höfum því reynt ýmislegt, verið með kerfi frá Flota, kerfi frá öðrum íslenskum aðila og svo hreinlega ekkert kerfi – en við erum í góðum málum í dag.

Hvað notar þú mest?

Í Flota eru það stoppskýrslunnar, hvar bílarnir eru staddir og hversu lengi þeir stoppa. Í Tímon eru það tímaskráningarskýrslurnar, en við notum þessi kerfi á hverjum degi og þau virka vel. Reynsla okkar er góð af báðum kerfum.

Hvernig gekk innleiðingin á Flota og Tímon?

Hún gekk vel á báðum kerfum. Hvað varðar Tímon þá eru okkar menn sérstaklega sáttir við fleiri möguleika í tengslum við stimpilklukkuna. Núna geta þeir fylgst sjálfir með sínum tímum ef þeir hafa áhuga á því. Skráningarnar eru aðgengilegar hverjum og einum og ef þeir sjá eitthvað athugavert þá láta þeir strax vita. Það er mikil breyting frá því sem áður var. Hver og einn ber ábyrgð og getur fylgst með sínum skráningum, það verða til gögn sem gott er að fylgjast með. Rétt skal vera rétt.

Hvað með þjónustuna, hvernig er hún?

Hún er góð, þetta hefur gengið mjög vel. Við höfum fengið þá þjónustu sem við höfum þurft á að halda og samskiptin eru góð, ekkert vesen þar.

Hafið þið orðið vör við aukna hagræðingu?

Já, tvímælalaust. Þetta er líka mikið aðhald. Þetta er sýnileiki, okkar menn vita að við tökum til dæmis út stoppskýrslur. Það er allt uppi á borðum, hér eiga allir að sinna því sem þeir eiga að vera að sinna.  

Hafið þið nýtt ykkur námskeið eða kennslu?

Ekki nóg, við vitum að við getum notað kerfið meira og að fleiri atriði gætu verið sjálfvirk. Eins og til dæmis að loka stimplunum sjálfvirkt, það léttir á vinnunni þegar tímabilinu er lokið. Við megum alveg vera duglegri að sækja námskeið.

Mælir þú með Flota/Tímon?

Já, alveg hiklaust. Einfalt í notkun og öll eftirfylgni er miklu betri en við höfum áður kynnst, bæði hvað varðar okkur sem fyrirtæki og okkur sem starfsmenn.

Hver er mesta breytingin eftir að Floti var tekinn í notkun?

Ferlið er áreiðanlegra með Flota, kerfið sem við notuðum áður var ekki að uppfylla kröfur okkar um áreiðanleika. Það gengur náttúrulega ekki að samkvæmt kerfinu sé bíll stopp í Keflavík en þegar það er skoðað nánar er bílstjórinn löngu kominn í bæinn og með allt sitt á hreinu. Það er ekki nógu gott, við þurfum að geta tekið stöðuna og hrósað þegar við á. Áður en við tókum Flota í notkun var ég ekki með nógu áreiðanlegar upplýsingar, þetta verður að vera rétt uppfært og allt virkt.

Hvernig er hefðbundinn dagur hjá ykkur?

Dagurinn byrjar um kl. 6:00 þegar fyrstu starfsmenn mæta í hús. Þá er strax byrjað að keyra út til þeirra staða og verslana sem búið er að opna. Við keyrum eftir tímasetningum, það skiptir öllu máli. Dæmi um það eru veitingastaðir, þar verður allt hráefni að vera komið á réttum tíma og í góðum gæðum þegar matreiðslufólkið mætir og byrjar á sinni vinnu. Ferskt hráefni er viðkvæm vara og hér verða gæðin að vera í lagi. Það er nánast alltaf opið hjá okkur, hér er bara lokað í þrjá daga á ári.

Eru ekki heilmikil fræði á bak við góða og rétt þroskaða banana?

Jú, heldur betur, við erum til dæmis með klefa til að þroska banana. Það eru heilmikil fræði á bak við banana, að þeir þroskist á réttum hraða og séu akkúrat á réttu stigi þegar fólk kaupir sér nokkra úti í búð. Stundum þarf að hraða þroskanum eða hægja á honum. Af þeim ávöxtum og grænmeti sem fer í gegn hjá okkur þurfa bananar mestu meðhöndlunina, aðrir ávextir eru ekki eins flóknir. Á eftir banönum eru það helst avókadó sem þurfa sérstaka umönnun, þetta er viðkvæm vara og við sendum það sem er að skemmast í svínafóður. Við pössum upp á matarsóun.

Hér er mjög mikið gæðaeftirlit, enda er það nauðsynlegt þegar um svona viðkvæma og verðmæta vöru er að ræða. Við pössum upp á gæðin alls staðar í ferlinu.

Viltu vita meira um Flota? Heyrðu í Guðjóni, hann þekkið kerfið manna best: floti@trackwell.com eða sími 5100 600.

Hafðu samband

Hafðu samband í dag til að fá meiri upplýsingar um þjónustu okkar.

+354 5100 600
Laugavegi 178
105 Reykjavík, Iceland

Fréttir

Hjá okkur skiptir máli að hafa rauntímastjórnun

Reykjavíkurborg notar Flota til stýringar á sínum bílaflota. Við hittum Atla Marel Vokes, deildarstjóra á hverfastöðinni Njarðargötu. Stöðin þjónar Vesturbænum, Miðborg og Austurbæ að Elliðaám. Hvað varð til þess að þið fóruð að leita að flotastýringarkerfi? „Ég...

read more

Gæðin skipta öllu máli

Eitt af fyrirtækjunum sem nota Flota til stýringar á sínum bílaflota er Mjókursamsalan. Við fórum í höfuðstöðvarnar á Bitruhálsi og hittum Halldór Inga Steinsson dreifingarstjóra. Mjólkursamsalan er flestum Íslendingum vel kunn en auk fyrirtækið rekur fimm...

read more